Podemos Amar Ou Podemos - Fernandes, Judite Canha

Parto daqui deste lugar nenhum que é meu corpo e con estas nove palabras exactísimas de Fernandes inicio o percorrido anatómico do amor e do poema, coa firme tentativa de erixir unha escultura coas mans da outra sen perder o equilibrio. A cartografía xa foi deseñada nestas páxinas, cunha horizontalidade propia desa poesía que nos revela a escuridade que hai na luz, e o coloca todo a ras do chan para, desde aí, divisar as alturas do mundo. Cal é o amor que queremos construír e reinventar? posso escolher quando amar? posso escolher como amar?, ou meto o meu amor nun canon que transita cun medo terrible do devir? É o amor corpo e desexo?, é un pensamento como dixo Pessoa? Fronte á mentira sentimental eríxese a verdade abrupta.